26000 $
Ռայմոնդ Եզեգելյանը
Ֆրանսահայ բարերար Ռայմոնդ Եզեգելյանը Հիմնադրամին նվիրաբերել է 26 000 ԱՄՆ դոլար: Նշենք, որ դա առ այսօր ստացված խոշորագույն նվիրաբերությունն է: Ռայմոնդ Եզեգելյանը նշել է , որ նվիրաբերությունը կատարում է քաջարի զինվորների համար, որոնց շնորհիվ Հայաստանը շարունակում է ապրել:
10000 $
Անմահունի Հարություն
Կիպրահայ բարերար Հարություն Անմահունին Վիգեն Սարգսյանի Կիպրոս կատարած այցի ընթացքում 10.000 ԱՄՆ դոլար նվիրաբերեց «Զինծառայողների ապահովագրության հիմնադրամ»-ի ֆոնդին: Հիշեցնենք, որ ՀՀ պաշտպանության նախարար Վիգեն Սարգսյանի գլխավորած պատվիրակությունը ս.թ. մայիսի 29-ին պաշտոնական այցով մեկնել է Կիպրոսի Հանրապետություն:

14

Մրտ,

2018

5000 $
Կանադայում բնակվող մեր հայրենակցից
Մարդիկ պետք է հասկանան, որ իրենց օգնությունը կարող է դրական փոփոխություն մտցնել մեր հաշմանդամ զինծառայողների և զոհված զինծառայողների ընտանիքների կյանքում:
5000 $
Գարաբեթ Հովսեփյան
Գործարար և բարերար Հովսեփյան Գարաբեթը իր դստեր հարսանիքի կապակցությամբ «Զինծառայողների ապահովագրության» հիմնադրամին նվիրաբերեց ԱՄՆ 5000 դոլարին համարժեք դրամ : Պարոն Հովսեփյանը հարսանիքի ժամանակ իր խոսքում նշել է. « մենք այստեղ հարսանիք ենք անում, քեֆ ենք անում, իսկ այնտեղ տղաները սահման են պահում. անելիք ունենք… անհրաժեշտ է բանակին սատար կանգնել, այդ իսկ պատճառով որոշել ենք բանակին նվիրաբերություն կատարել» : Պարոն Հովսեփյանի հետ ունեցած զրույցի ժամանակ, վերջինս նշեց, որ իր կարծիքով Հայաստանում իր դստեր օրինակը պետք է լայն տարածում ունենա և ավանդույթ դառնա, քանի որ յուրաքանչյուրի հոգու պարտքն է մշտապես աջակցել հայրենի սահմանների անվտանգությունն ու խաղաղությունն ապահովող հայ զինվորին : « Բանակն ամեն ինչից վեր է ինձ համար. հայրենիքը և բանակը…» նշում է պարոն Հովսեփյանը : Պարոն Հովսեփյանը նաև կոչ է անում 10մլն. հայերի օժանդակել հիմնադրամին՝ նշելով, որ եթե 10 մլն. հայ ամեն ամիս ընդհամենը 2 ԱՄՆ դոլարով օժանդակի, ապա տարիների ընթացքում կկուտակենք անհրաժեշտ գումարները բանակին ապահովագրելու համար : Նա նշեց որ, իհարկե կան մեծ բարերարներ, ովքեր կարող են օժանադակել, սակայն համազգային մասնակցությունը այս գործունեությանը առավել կարևոր է, քանի որ ցույց է տալիս, որ հայ ժողովուրդը միասնականորեն կանգնած է իր բանակի կողքին :
6500000 դր.
Ինգո Արմենիա
Հայաստանի պատմության ընթացքում մշտապես առաջնային է եղել առողջ և հզոր բանակի առկայությունը։ Մենք բարձր ենք գնահատում «Զինծառայողների ապահովագրության հիմնադրամ» -ի ստեղծումը, որն ուղղված է հայրենիքի պաշտպանների ու նրանց ընտանիքների բարօրության նպատակի իրականացմանը։ ԻՆԳՈ ԱՐՄԵՆԻԱ-ն Հայաստանի զարգացման և լուսավոր ապագայի կերտման մի մասնիկն է կազմում։ Այդ իսկ պատճառով մեծ հպարտությամբ մասնակցեցինք երկրի համար առաջնային հանդիսացող այս նախաձեռնությանը և հետագայում հետևողական կլինենք Հիմնադրամի գործունեությանը։
5557360 դր.
Կարեն Կարապետյան
Աշխատավարձն այն գումարն է, որ պետք է ծախսվի միմիայն ընտանիքի ու երեխաների համար: Նաև այդ տրամաբանությամբ տասը տարի շարունակ թե որպես ԱԺ պատգամավոր, թե որպես ՀՀ նախագահի աշխատակազմի ղեկավար, իմ աշխատավարձն ամբողջությամբ փոխանցվել է Հայաստանի բոլոր մանկատների շրջանավարտների անուններով բացված հաշվեհամարներին: Հիմա նպատակահարմար եմ գտել իմ վերջին մոտ մեկուկես տարվա ամբողջ աշխատավարձը փոխանցել «Զինծառայողների ապահովագրության» հիմնադրամին, այսինքն՝ այն ընտանիքներին, որոնց զավակները մեր անվտանգության ու ինքնության երաշխավոր բանակի, մեր երկրի համար տվել են իրենց առողջությունն ու, որ ամենացավալին է, իրենց կյանքը: ՀՀ ԱԺ պատգամավոր Կարեն Կարապետյան
4300000 դր.
Ռուբեն Գեւորգյանց
Անգամ կյանքի վերջին րոպեներին անվանի գործիչ Ռուբեն Գեւորգյանցը մտածեց ոչ թե իր, այլ հասարակության բարօրության մասին՝ կոչ անելով իր ընտանիքին և հարազատներին նվիրաբերություն իրականացնել Զինծառայողների Ապահովագրության Հիմնադրամին : Հայտնում ենք մեր խորին երախտագիտությունը Ռ. Գեւորգյանցի ընտանիքին եւ ընկերներին վերջինիս հիշատակին կատարված յուրաքանչյուր նվիրաբերության համար:

12

Հուն,

2018

2377000 դր.
Երկրապահ կամավորականների միություն
Եռասերունդ Երկրապահ կամավորականների միության, Հանրապետության բոլոր երկրապահների, 5-րդ բրիգադի մարտիկների, երիտասարդ, պատանի երկրապահների և անձամբ իմ անունից վստահեցնում եմ, որ բոլոր հնարավոր միջոցներով եռասերունդ Երկրապահը սատարելու է պաշտպանության նախարարությանը, նախարարին, մեր պետությանը ազգային, հայրենասիրական ձեռնարկներում։ Դրա վառ օրինակն է Երկրապահի օրվա և մայիսյան տոների կապակցությամբ եռասերունդ Երկրապահ կամավորականների միության հերթական հայրենասիրական ակցիայով հանդես գալը, երբ «Զինծառայողների ապահովագրության հիմնադրամին» կամավորականության սկզբունքով նվիրատվություններ արեցին երեք սերունդների երկրապահները՝ վարչության անդամներ, տարածքային բաժանմունքների, մարզային խորհուրդների կազմերում ընդգրկված երկրապահներ, ավագ սերնդի, երիտասարդ և պատանի երկրապահներ։ Հիմնադրամին մուծումներ արել ենք նաեւ մեր նահատակ մարտական ընկերների, մեր ծնողների փոխարեն: Արդեն երկրորդ տարին Երկրապահը նման նախաձեռնությամբ հանդես եկավ. հայրենասիրական ակցիան փաստացի դառնում է ամենամյա։ Ես այս ակցիան նախաձեռնեցի և ընտանիքիս հետ առաջին նվիրատվությունն արեցի այն համոզմամբ, որ «Զինծառայողների ապահովագրության հիմնադրամին» վճարված կամ նվիրաբերված յուրաքանչյուր լուման ուղղվելու է միմիայն Հայրենիքի սահմանները պաշտպանելիս զոհված և վիրավորում ստացած հերոսների ու նրանց ընտանիքների նյութական աջակցության նպատակով։ Երկրապահները անվերապահ վստահությամբ և հավատով են լեցուն հայ ազգի, մեր բանակի նկատմամբ. չէ՞ որ Երկրապահն է հայոց բանակի ծնողը: Երկապահ կամավորականության մարտնչող ոգուց և հայ ժողովրդի անկախության ձգտումից ծնված մեր բանակը մշտապես յուրաքանչյուրիս հոգատարության կարիքն ունի: Մենք պարտավոր ենք մեր բանակին վերաբերվել այնպես, ինչպես մեր հարազատ զավակին` նրա ամեն մի օրը, քայլը պահելով մեր ուշադրության կենտրոնում: Ես միշտ այն համոզման եմ եղել, որ դիրքապահ զինվորը, սպան պետք է վստահ լինեն, որ իրենց ընտանիքներն ապահովված են ամեն ինչով, զերծ են էական պրոբլեմներից, կարիքներից, որպեսզի իրենք էլ կարողանան ամբողջությամբ նվիրվել հայրենիքի պաշտպանությանը, անձնուրացաբար պաշտպանեն հայրենիքը, պետությունն ու մեր ընտանիքները։ Երկրապահ կամավորականների միության հայրենասիրական այս նախաձեռնությունը թող վարակիչ լինի և օրինակ հանդիսանա բոլորի համար:
2246000 դր.
Մանվել Գրիգորյան
Եռասերունդ Երկրապահ կամավորականների միության, Հանրապետության բոլոր երկրապահների, 5-րդ բրիգադի մարտիկների, երիտասարդ, պատանի երկրապահների և անձամբ իմ անունից վստահեցնում եմ, որ բոլոր հնարավոր միջոցներով եռասերունդ Երկրապահը սատարելու է պաշտպանության նախարարությանը, նախարարին և զինված ուժերի գերագույն գլխավոր հրամանատարին՝ ազգային, հայրենասիրական ձեռնարկներում։ Դրա վառ օրինակն է դեռ մայիսին՝ Երկրապահի օրվա և մայիսյան տոների կապակցությամբ եռասերունդ Երկրապահ կամավորականների միության հերթական հայրենասիրական ակցիայով հանդես գալը, երբ «Զինծառայողների ապահովագրության հիմնադրամին» կամավորականության սկզբունքով նվիրատվություններ արեցին երեք սերունդների երկրապահները՝ վարչության անդամներ, տարածքային բաժանմունքների, մարզային խորհուրդների կազմերում ընդգրկված երկրապահներ, ավագ սերնդի, երիտասարդ և պատանի երկրապահներ։ Անձամբ ես,այս ակցիան նախաձեռնեցի և ընտանիքիս հետ առաջին նվիրատվությունն արեցի այն համոզմամբ, որ «Զինծառայողների ապահովագրության հիմնադրամին» վճարված կամ նվիրաբերված յուրաքանչյուր լուման ուղղվելու է միմիայն Հայրենիքի սահմանները պաշտպանելիս զոհված և վիրավորում ստացած հերոսների ու նրանց ընտանիքների նյութական աջակցության նպատակով։ Երկրապահները անվերապահ վստահությամբ և հավատով են լեցուն հայ ազգի, մեր բանակի նկատմամբ. չէ՞ որ Երկրապահն է Հայոց բանակի ծնողը: Երկապահ կամավորականության մարտնչող ոգուց և հայ ժողովրդի անկախության ձգտումից ծնված մեր բանակը մշտապես յուրաքանչյուրիս հոգատարության կարիքն ունի: Մենք պարտավոր ենք մեր բանակին վերաբերվել այնպես, ինչպես մեր հարազատ զավակին` նրա ամեն մի օրը, քայլը պահելով մեր ուշադրության կենտրոնում: Ես միշտ այն համոզման եմ եղել, որ դիրքապահ զինվորը, սպան պետք է վստահ լինեն, որ իրենց ընտանիքներն ապահովված են ամեն ինչով, զերծ են էական պրոբլեմներից, կարիքներից, որպեսզի իրենք էլ կարողանան ամբողջությամբ նվիրվել հայրենիքի պաշտպանությանը, անձնուրացաբար պաշտպանեն հայրենիքը, պետությունն ու մեր ընտանիքները։ Երկրապահ կամավորականների միության հայրենասիրական այս նախաձեռնությունը թող վարակիչ լինի և օրինակ հանդիսանա բոլորի համար:
1968560 դր.
Հայաստանի Հանրապետական կուսակցություն
Հայաստանի Հանրապետական կուսակցությունը միշտ աջակցել է հանրապետության բնակչությանը հուզող կարևոր հիմնախնդիրների լուծմանը: Հաշվի առնելով, որ Զինծառայողների ապահովագրության հիմնադրամի գործունեությունը մեծ կարևորություն ունի հայության համար, կուսակցությունը որոշում է կայացրել պարբերաբար աջակցել հիմնադրամի գործունեությանը:
Էջ
/2