2000000 դր.
Աշոտ Գևորգի Բաղդասարյան
Ի հիշատակ մայոր Գարուշ Համբարձումյանի, սերժանտ Գրիշա Մաթեւոսյանի, կապիտան Սոս Էլբակյանի, մայոր Գարուշ Համբարձումյանի
1500000 դր.
ԲԵՐՔԼԻ ՔԵՓԻԹԼ ՓԲԸ
Մենք կանգնած ենք մեր բանակի կողքին:
10000 $
Սահակյան Արմեն
Ծառայում եմ Հայաստանի Հանրապետությանը
5000000 դր.
«Արնդանե» ՍՊԸ
Ողջո՜ւյն, սահմանին արթուն կանգնած, միշտ զգոն ու հզոր հայ զինվոր: Մենք գիտենք, որ մարտական հենակետում կանգնելով` դու քո կյանքն ես վտանգում հանուն մեր խաղաղ առավոտների, մեր օրեցօր հզորացող հայրենիքի, բայց դու միայնակ չես, քեզ հետ ենք մենք` Հայաստանում եւ այլուր ապրող բոլոր հայերս:
25000000 դր.
Երևան Սիթի
Փառք ու պատիվ ամեն օր խաղաղություն պարտադրող հայ զինվորին ու սպային և ակնածանքով խոնարհում զոհված զինծառայողների հիշատակի առջև
5000000 դր.
Երևանի Պետական Համալսարանի Շրջանավարտների Միավորումը
Երևանի պետական համալսարանի շրջանավարտների միավորումն աջակցում է «Զինծառայողների աջակցության հիմնադրամի» կողմից իրականացվող՝ զոհված և մարտական գործողությունների ընթացքում վիրավորված զինծառայողների ընտանիքների սոցիալական ապահովությանն ուղղված նախաձեռնությանը և մշտապես սատարելու է այսօրինակ կարևոր ծրագրերի կյանքի կոչմանը: Հայրենիքի պաշտպանի կողքին լինելը բոլորիս սրբազան պարտքն է: ԵՊՀ շրջանավարտների միավորման նախագահ Արսեն Քարամյան
50000000 դր.
Սուքիասյանների ընտանիքից
Զինծառայողների ապահովագրության հիմնադրամին կատարված ամենաչնչին ներդրումն էլ օգուտ է բերելու մեր բանակի հզորացմանն ու հայրենիքի շենացմանը: Աշխարհասփյուռ հայեր, սիրելի ՀՀ քաղաքացիներ, երբ մենք միասնական ենք, մեզ երբեք հաղթել չեն կարող: Ուրեմն համախմբված պետք է լծվենք մեկ գործի՝ հայրենիքի և բանակի շենացմանը:

12

Հուն,

2018

2377000 դր.
Երկրապահ կամավորականների միություն
Եռասերունդ Երկրապահ կամավորականների միության, Հանրապետության բոլոր երկրապահների, 5-րդ բրիգադի մարտիկների, երիտասարդ, պատանի երկրապահների և անձամբ իմ անունից վստահեցնում եմ, որ բոլոր հնարավոր միջոցներով եռասերունդ Երկրապահը սատարելու է պաշտպանության նախարարությանը, նախարարին, մեր պետությանը ազգային, հայրենասիրական ձեռնարկներում։ Դրա վառ օրինակն է Երկրապահի օրվա և մայիսյան տոների կապակցությամբ եռասերունդ Երկրապահ կամավորականների միության հերթական հայրենասիրական ակցիայով հանդես գալը, երբ «Զինծառայողների ապահովագրության հիմնադրամին» կամավորականության սկզբունքով նվիրատվություններ արեցին երեք սերունդների երկրապահները՝ վարչության անդամներ, տարածքային բաժանմունքների, մարզային խորհուրդների կազմերում ընդգրկված երկրապահներ, ավագ սերնդի, երիտասարդ և պատանի երկրապահներ։ Հիմնադրամին մուծումներ արել ենք նաեւ մեր նահատակ մարտական ընկերների, մեր ծնողների փոխարեն: Արդեն երկրորդ տարին Երկրապահը նման նախաձեռնությամբ հանդես եկավ. հայրենասիրական ակցիան փաստացի դառնում է ամենամյա։ Ես այս ակցիան նախաձեռնեցի և ընտանիքիս հետ առաջին նվիրատվությունն արեցի այն համոզմամբ, որ «Զինծառայողների ապահովագրության հիմնադրամին» վճարված կամ նվիրաբերված յուրաքանչյուր լուման ուղղվելու է միմիայն Հայրենիքի սահմանները պաշտպանելիս զոհված և վիրավորում ստացած հերոսների ու նրանց ընտանիքների նյութական աջակցության նպատակով։ Երկրապահները անվերապահ վստահությամբ և հավատով են լեցուն հայ ազգի, մեր բանակի նկատմամբ. չէ՞ որ Երկրապահն է հայոց բանակի ծնողը: Երկապահ կամավորականության մարտնչող ոգուց և հայ ժողովրդի անկախության ձգտումից ծնված մեր բանակը մշտապես յուրաքանչյուրիս հոգատարության կարիքն ունի: Մենք պարտավոր ենք մեր բանակին վերաբերվել այնպես, ինչպես մեր հարազատ զավակին` նրա ամեն մի օրը, քայլը պահելով մեր ուշադրության կենտրոնում: Ես միշտ այն համոզման եմ եղել, որ դիրքապահ զինվորը, սպան պետք է վստահ լինեն, որ իրենց ընտանիքներն ապահովված են ամեն ինչով, զերծ են էական պրոբլեմներից, կարիքներից, որպեսզի իրենք էլ կարողանան ամբողջությամբ նվիրվել հայրենիքի պաշտպանությանը, անձնուրացաբար պաշտպանեն հայրենիքը, պետությունն ու մեր ընտանիքները։ Երկրապահ կամավորականների միության հայրենասիրական այս նախաձեռնությունը թող վարակիչ լինի և օրինակ հանդիսանա բոլորի համար:

14

Մրտ,

2018

5000 $
Կանադայում բնակվող մեր հայրենակցից
Մարդիկ պետք է հասկանան, որ իրենց օգնությունը կարող է դրական փոփոխություն մտցնել մեր հաշմանդամ զինծառայողների և զոհված զինծառայողների ընտանիքների կյանքում:
5000 $
Գարաբեթ Հովսեփյան
Գործարար և բարերար Հովսեփյան Գարաբեթը իր դստեր հարսանիքի կապակցությամբ «Զինծառայողների ապահովագրության» հիմնադրամին նվիրաբերեց ԱՄՆ 5000 դոլարին համարժեք դրամ : Պարոն Հովսեփյանը հարսանիքի ժամանակ իր խոսքում նշել է. « մենք այստեղ հարսանիք ենք անում, քեֆ ենք անում, իսկ այնտեղ տղաները սահման են պահում. անելիք ունենք… անհրաժեշտ է բանակին սատար կանգնել, այդ իսկ պատճառով որոշել ենք բանակին նվիրաբերություն կատարել» : Պարոն Հովսեփյանի հետ ունեցած զրույցի ժամանակ, վերջինս նշեց, որ իր կարծիքով Հայաստանում իր դստեր օրինակը պետք է լայն տարածում ունենա և ավանդույթ դառնա, քանի որ յուրաքանչյուրի հոգու պարտքն է մշտապես աջակցել հայրենի սահմանների անվտանգությունն ու խաղաղությունն ապահովող հայ զինվորին : « Բանակն ամեն ինչից վեր է ինձ համար. հայրենիքը և բանակը…» նշում է պարոն Հովսեփյանը : Պարոն Հովսեփյանը նաև կոչ է անում 10մլն. հայերի օժանդակել հիմնադրամին՝ նշելով, որ եթե 10 մլն. հայ ամեն ամիս ընդհամենը 2 ԱՄՆ դոլարով օժանդակի, ապա տարիների ընթացքում կկուտակենք անհրաժեշտ գումարները բանակին ապահովագրելու համար : Նա նշեց որ, իհարկե կան մեծ բարերարներ, ովքեր կարող են օժանադակել, սակայն համազգային մասնակցությունը այս գործունեությանը առավել կարևոր է, քանի որ ցույց է տալիս, որ հայ ժողովուրդը միասնականորեն կանգնած է իր բանակի կողքին :
Էջ
/3